Rev 5 | AAI | STEP | Imaibo orot urama’ama afe’en ma’am uman ana asukwafune Fef firorow roun roun hikirum, naatu mar etei seven hibikwah bobotanen aitin.

a 5.1Isa 29.11; Ezk 2.9-10

b 5.5Gen 49.9; Isa 11.1, 10; Rev 22.16

d 5.6Zec 4.10; Jn 1.36; Rev 13.8

f 5.8Psa 141.2; Rev 8.3-4

g 5.9Psa 33.3; 40.3; 96.1; 98.1

h 5.10Exo 19.6; Isa 61.6; Rev 1.6; 20.6

i 5.11Dan 7.10; Hib 12.22

Revelation of John 5

Fef Firorow NaatuLamb

1 ^aImaibo orot urama’ama afe’en ma’am uman ana asukwafune Fef firorow roun roun hikirum, naatu mar etei seven hibikwah bobotanen aitin. 2 Naatu tounamatar fairin aitin fanan aumetawat eorereb eo, “Orot yait gewasin boro iti fef firorow hikwah inu’in natafufur nabotawiy?” 3 Baise men yait ta maramaim, tafaramamaim, o me baban boro iti fef firorow nabotawiy naatu wanawanan nanuwariy. 4 Ayu arerey men kikimin ta, anayabin men yait ta gewasin ma’am atita’ur boro iti fef firorow tabotawiy wanawanan tananuwariy. 5 ^bImaibo regaregah ai’in ta iuwu eo, “Ei! men inarerey!Lion Judah ana bigane David uwan orot iti sawar isnowahika. ^{▼▼5.5igegesairika,} I karam boro iti fef firorow mar seven hikwahen ti’inu’in boro natafoforen nabotawiyen.”

6 ^dImaibo ayuLamb ^{▼▼5.6for ta noutanubin} hi’a’asabun i sawar yawasih ma’anih kwafe’en, naatu regaregah ai’in hi’ar bebera’uh nah yan foun urama’ama nanamaim batabat aitin. I ukwarinamaim ana rarag etei seven naatu matan etei seven, nati i wagabur seven God iyafarih hitit tafaram wanawananamaim. 7 Lamb na urama’ama afe’en orot nati ma’am uman ana asukwafune fef firorow bosair. 8 ^fNaatu nati na’atube sisinaf anamaramaim sawar yawasih kwafe’en naatu regaregah ai’in 24Lamb nanamaim hira’iy, ta’ita’imon umahimaim etei douduf hibow naatu fi’ufiu ana tew igold. Imaim fi’ufiu hibiwanen auman hibow, nati i God ana sabuw hai yoyoban. 9 ^gNaatu ew boubun hitabor,

“O igewas anababatun fef firorow kububutubun,
naatu ana kwah itafufur kubobotawiy
anayabin o i hi’asbuni,
a rara’amaim God ana sabuw itubunih.
Big ta ta, tur ta ta, sabuw ta ta, naatu tafaram ta ta hina o nowa himatar.
10 ^hO iti sabuw ibow firis ana aiwob iwowab matar ata God isan tanabow,
naatu i boro iti tafaramamaim hini’aiwob.”
11 ⁱImaibo ayu anuw naatu tounamatar moumurih maiyow fanah anowar, tounamatar himour kwanekwan taniyab men karamthousand million na’atube. I urama’ama sawar yawasih kwafe’en naatu regaregah ai’in hi’arbebera’uhih. 12 Fanah aumetawat na’in ew hitabor,

“Lamb i gewasin anababatun hi’asabun,
i akisin fair, totobuyoy, ukwar rerekab, bototofar
rousagiyen, marakaw, bora’ara’aten nab!”
13 Imaibo ayu sawar yawasih bai’e’etawayah mar wanawanan, tafaram wanawanan, me wanawanan, riy wanawanan etei fanah sib hitatabor anowar.

“God o nati ura’ama’ama afe’en kuma’am naatuLamb,
kwa isa bora’ara’aten, rousagiyen, marakaw ^{▼▼5.13wab gagamin} naatu fair,
nama wanatowan, wanatowan!”
14 Sawar yawasih ma’anih kwafe’en etei fanah hibora’ah hio, “Turobe!” regaregah ai’in yumatah aubabe hire hikwafir.